श्री बजरंग बाण (Shri Bajrang Baan)

निश्चय प्रेम प्रतीति ते, बिनय करैं सनमान।

तेहि के कारज सकल शुभ, सिद्ध करैं हनुमान॥

जय हनुमंत संत हितकारी, सुन लीजै प्रभु अरज हमारी।

जन के काज विलंब न कीजै, आतुर दौरि महा सुख दीजै॥

जैसे कूदि सिंधु महिपारा, सुरसा बदन पैठि विस्तारा।

आगे जाय लंकिनी मारा, मारुत सुत प्रभु काज सँवारा॥

उहां जाइ सिया सुधि लीन्हा, लंका जारि असुर संहारा।

लाय सजीवन लखन जियाए, श्री रघुबीर हरषि उर लाए॥

अब बिलंबु केहि कारन स्वामी, कृपा करहु उर अंतरयामी।

जय जय लखन प्रान के दाता, आतुर होइ दुखु करहु निपाता॥

जय हनुमान जयति बल-सागर, सुर-समूह-समरथ भट-नागर।

ॐ हनु हनु हनु हनुमंत हठीले, बैरिहि मारु बज्र की कीले॥

गदा बज्र लै बैरिहिं मारो, महाराज प्रभु दास उबारो।

ॐ ह्रीं ह्रीं ह्रीं हनुमंत कपीसा, ॐ हुं हुं हुं हनु अरि उर सीसा॥

सत्य होहु हरि शपथ पायके, राम दूत धरु मारु धायके।

जय जय जय हनुमंत अगाधा, दुख पावत जन केहि अपराधा॥

पूजा जप तप नेम अचारा, नहिं जानत कछु दास तुम्हारा।

बन उपबन मग गिरि गृह माहीं, तुम्हरे बल हम डरपत नाहीं॥

जनकसुता हरि दास कहावो, ताकी शपथ विलम्ब न लावो।

उठु उठु चलु तोहि राम दोहाई, पाँयन परौं कर जोरि मनाई॥

प्रेम प्रतीतिहिं कपि भजै, सदा धरै उर ध्यान।

तेहि के कारज सकल शुभ, सिद्ध करैं हनुमान॥